Back Rabindranath Tagore Afrikaans ራቢንድራናት ታጎር Amharic Rabîndranâth Tagore AN روبندرونات طاغور Arabic طاݣور ARY رابندرانات طاجور ARZ ৰবীন্দ্ৰনাথ ঠাকুৰ Assamese Rabindranath Tagore AST Rabindranath Tagore AVK रबीन्द्रनाथ ठाकुर AWA
Dr , elteri Schriibwiis Rabindranath Tagore (Bengalisch: রবীন্দ্রনাথ ঠাকুর, Rabīndranāth Ṭhākur, [ɾobin̪d̪ɾonat̪ʰ ʈʰakuɾ]; * 7. Mai 1861 z Kalkutta; † 7. August 1941 z Kalkutta), isch e bengalische Dichder, Filosof, Mooler, Komponist, Musiker und Aahänger vo dr hinduistische Reformorganisazioon Brahmo-Samaj. Er het 1913 dr Nobelbriis für Litratuur überchoo und isch dr ersti asiatischi Nobelbriisdreeger gsi.
Dr Thakur isch en angaschierte Kultur- und Sozialreformer gsi und en Universalgleerte. In dr Zit, wo as „Bengalischi Rönessans“ bekannt isch, het er die bengalischi Litratuur mit Wärk wie Ghare baire (dt. Das Heim und die Welt) oder Gitanjali revoluzioniert. Er het die strikti Struktuur und die klassischi Formsprooch vo dr Kunst in sinere Häimet aagriffe und sä modärnisiert. Er het e Hufe Gedicht, Churzgschichte, Brief und Essey verfasst und Bilder gmoolt. Zwäi vo sine Lieder si hüte d Nazionalhümne vo Bangladesch und Indie: Amar Sonar Bangla und Jana Gana Mana.
Dr Thakur isch as Gurudeb bezäichnet worde. Das isch en Eereditel, wo sich uf Guru und Deva bezieht.